اسلام آباد ( اے بی این نیوز    )سال 22،2023 میں یوٹیلیٹی سٹورزکی سیل ریکارڈ 137 ارب 15کروڑ 50 لاکھ روپے رہی،گزشتہ مالی سال میں یوٹیلیٹی سٹورز پرریکارڈسیل ہو ئی، گزشتہ مالی سال یوٹیلیٹی سٹورزکا خالص منافع 76 کروڑ 40 لاکھ روپے رہا،آٹا، چینی،گھی، دالوں اور چاول پر حکومت بھاری سبسڈی دے رہی ہے،گزشتہ برس کے دوران بنیادی اشیا پرحکومتی سبسڈی کے باعث سیل بلند ترین سطح پرپہنچ گئی،یوٹیلیٹی سٹورز کارپوریشن مسلسل3 سال سے منافع میں ہے، مالی سال 21،2022 میں یوٹیلیٹی سٹورزکی سیل 112 ارب 32 کروڑروپے تھی،مالی سال20،2021 میں یوٹیلیٹی سٹورزکی سیل120 ارب24 کروڑروپے تھی،مالی سال 19،2020میں یوٹیلیٹی سٹورزکی سیل 53 ارب 32 کروڑ تھی، مالی سال 18،2019 میں 9 ارب 68 کروڑ 50 لاکھ روپے تھی، 18،2019 یوٹیلیٹی سٹورز 6 ارب37 کروڑ 30 لاکھ روپے خسارے میں تھے۔