اسلام آباد ( نیوز ڈیسک)چیئرمین پی ٹی آئی بیرسٹر گوہر خان کے گھر پر اسلام آباد پولیس کے چھاپے کا معاملہ، ایس ایچ او مارگلہ سمیت 5 پولیس اہلکار تاحکم ثانی معطل ۔ گزشتہ روزمقامی پولیس نے بیرسٹر گوہر کے گھرپر بغیر ثبوتوں کے چڑھائی کردی تھی جس پر انکوائری عمل میں لائی گئی ، آئی سی سی پی او ڈاکٹر اکبر ناصر خان نے بیرسٹر گوہر کو کسی بھی پولیس افسر کے قصور وار ہونے پر محکمانہ کارروائی کی یقین دہانی کروائی ہے۔ مقامی پولیس ایک مخبر کی اطلاع پر اشتہاری کی تلاش میں ایف 7 پہنچی، مذکورہ گھر بیرسٹر گوہر کا معلوم ہونے پر پولیس فوری واپس آگئی۔اسلام آباد پولیس کے مطابق بیرسٹر گوہر نے سپریم کورٹ میں اپنے گھر پولیس جانے کی شکایت کی تھی جس پر چیف جسٹس پاکستان نے پولیس آفیسر کو طلب کیا اور معاملہ کی تحقیق کا حکم جاری کیا۔اس حوالے سے ڈاکٹر اکبر ناصر خاں نے ڈی پی او سٹی کو انکوائری افسر مقرر کر کے تفصیلی رپورٹ 3 دن میں جمع کروانے کے احکامات جاری کر دیئے ہیں۔
