کراچی (نیوزڈیسک)ملیر سٹی کے قریب جھونپڑیوں میں آتشزدگی 2 خواتین سمیت 4 افراد جھلس کر زخمی ، آگ سے درجنوںجھونپڑیاں جل کر راکھ کے ڈھیر میں تبدیل۔فائر بریگیڈ حکام کے مطابق 6 فائر ٹینڈرز اور واٹر ٹینکرز آگ بجھانے کیلئے جائے وقوعہ پرپہنچ گئے ۔ ڈپٹی میئر سلمان عبداللّٰہ بھی جائے وقوعہ پر پہنچے، امدادی کاموں کا جائزہ لیاان کا کہنا تھا کہ آتشزدگی واقعے کی تحقیقات کی جائے گی۔ریسکیو حکام کا کہنا ہے کہ آگ سے 40 سے زائد جھونپڑیاں جل گئی ۔دوسری جانب اسسٹنٹ کمشنر کی جانب سے جاری بیان میں کہا گیا ہے کہ ملیر سٹی کے قریب 140 سے زائد جھونپڑیاں ہیں۔انہوں نے کہا کہ ابتدائی طور پر آگ لگنے کی وجہ معلوم نہیں ہوسکی ہے۔آگ بجھانے کے بعد کولنگ کا عمل جاری ہے۔