اسلام آبا د(نیوزڈیسک)گدو پاور پلانٹ میں دور روز قبل ہونے والی فنی خرابی ٹھیک نہ ہو سکی۔ گدو پاور پلانٹ سے منسلک 5 سو اور 220 کے وی لائنوں پر ٹرپنگ کا سلسلہ جاری،جنوبی پنجاب،سندھ کے کئی علاقوں کو تیسرے روز بھی گھنٹوں بجلی بندش کا سامنا ہے ذرائع کے مطابق گڈو پاور پلانٹ پر نقصان ہونے والے 5 سو کے وی سرکٹ بریکر کو ابھی تک تبدیل نہیں کیا جا سکا۔ملک میں جاری شدید موسمی حالات کے باعث این ٹی ڈی سی کا سسٹم مسلسل غیر مستحکم ہے دو روز قبل گڈو پاور پلانٹ سے منسلک 5 سو کے وی سرکٹ بریکر کے نقصان کے باعث سسٹم سے منسلک دیگر لائنز کا نظام بھی متاثر ہے جسے تاحال مکمل بحال نہیں کیا جا سکا،ذرائع کے مطابق 5سو کے وی کے نقصان پہنچنے والے حصے کی تبدیلی میں کئی دن لگ سکتے ہیں اور موسمی حالات کی وجہ سے این ٹی ڈی سی ساؤتھ سسٹم شدید ڈسٹرب ہے جس کے باعث جنوبی پنجاب اور سندھ کے کئی علاقوں میں تیسرے روز بھی بجلی کا تعطل گھنٹوں پر محیط ہے اس سے قبل این ٹی ڈی سی کی جانب سے نقصان پہنچنے والے سوئچ یارڈ کو بحال کرنے کا دعویٰ کیا گیا جبک پاور ڈویڑن کی جانب سے شدید دھند کے باعث ٹرانسمشن لائنز پر ٹرپنگ، فالٹی لائن کو سسٹم سے الگ کر کے سوئچ یارڈ بحال اور معاملے کی وجوہات کی جانکاری کیلئے تحقیات کابتایا گیا تھا۔