اسلام آباد (نیوزڈیسک) اسلام آباد میں دھند کا راج ،فلا ئٹ آپریشن سمیت ٹریفک کا نظام بری طرح متاثر، 30 سے زائد پروازیں منسوخ ہو گئیں ،متعدد تاخیر کا شکار ۔شدید دھند کے باعث اسلام آباد کیلئے 9 ملکی اورغیرملکی پروازیں لاہور، پشاور، ملتان اور کراچی کے ائیرپورٹوں پر لینڈنگ کروائی گئی۔جدہ سے اسلام آباد آنے والی پرواز بین الاقوامی پرواز پی کے 842 کو کراچی میں لینڈ کروایا گیا جبکہ دبئی سے اسلام آباد کیلئے پرواز پی کے 234 کو منسوخ کردیا گیا۔اسلام آباد سے گلگت جانے والی قومی پروازوں پی کے 601 ،602، 606 اور607 اور اسلام آباد سے کراچی کیلئے نجی ائیرلائن کی دیگر تین پروازوں کو بھی شدید دھند کے باعث منسوخ کردیا گیا۔