اسلام آباد(نیوزڈیسک) وفاقی حکومت نے شوکت خانم ہسپتال کراچی کے اسلام آباد میں ہونے والے فنڈ ریزنگ ایونٹ کیلئے این او سی منسوخ کردیا گیا۔کینسرہسپتال کا فنڈ ریزنگ ایونٹ کل اسلام آباد کے مقامی ہوٹل میں منعقد ہونا تھا، تاہم اسلام آباد کی انتظامیہ کی جانب سے شوکت خانم اسپتال کراچی کے ایونٹ کا اجازت نامہ منسوخ کردیا۔اس ضمن میں شوکت خانم ہسپتال انتظامیہ کا کہنا تھاکہ ہمیں اجازت نامہ منسوخ کرنے کی کوئی وجہ نہیں بتائی گئی، فنڈ ریزنگ ایونٹ میں مقامی گلو کار اسرار نے پرفارم کرنا تھا۔شوکت خانم ہسپتال انتظامیہ کا مزید کہنا تھا کہ کینسر ہسپتال کیلئے فنڈ ریزنگ غیر سیاسی اور فلاحی سرگرمی ہے۔اطلاعات کے مطابق این او سی واپس لینے کیلئے ایڈیشنل ڈسٹرکٹ مجسٹریٹ نے مقامی انتظامیہ کو خط لکھا جس میں 29 دسمبر کو ہونے والے پروگرام کا اجازت نامہ واپس لینے کی وجہ درج نہیں۔یہ بھی معلوم ہوا ہے کہ فنڈ ریزنگ پروگرام کا اجازت نامہ عالمی مالیاتی اداروں کی شرائط کے تحت واپس لیا گیا، فنڈ ریزنگ قوانین کے مطابق نجی تنظیم آڈٹ اور ڈونر کی تفصیل فراہم کرنے سے انکاری تھی جس پر این او سی واپس لیا گیا ہے۔
