اسلام آباد(اے بی این نیوز)وفاقی وزیر دفاع خواجہ آصف نےاپنے ایکس اکاؤنٹ پیغام میں آزاد کشمیر کے عوام سے پرامن رہنے کی اپیل کی ہے ، تفصیلات کے مطابق وزیر دفاع خواجہ آصف نے آزاد کشمیر میں احتجاج کرنے والے حضرات سے درخواست ہے کہ وہ مقبوضہ کشمیر کی تین نسلوں کی جدوجہد پرغور کریں۔
جو آپ کو میسر ہے اسکا عشر عشیر کا بھی وہ تصور نہیں کر سکتے،وہ کشمیر کی آزادی کی تاریخ اپنے خون سے لکھ رہے ہیں، اس جدوجہد میں ایک نسل جیلوں میں جوانی سے بڑھاپے میں پہنچ گئی ،پھانسی چڑھ گئے سینے پہ گولیاں کھائیں پاکستان سے محبت کی ہر روز قیمت ادا کرتے ہیں۔
شمیر کی جنگوں میں شہید ہونے والے فوجیوں میں پنجابی، پختون، بلوچ، سندھی گلگتی اور بلتی شامل ہیں۔پاکستان نے اپنا وجود کشمیر کی آزادی کے لئے داؤ پہ لگایا ہے اور لگائیں گے۔
یہ ہمارے ایمان کا جز ہے۔میرے انتخابی حلقے سیالکوٹ میں کشمیری مہاجرین کی کثیر تعداد ہے، اکتوبر 1947میں جموں سیالکوٹ کا بارڈر کراس کرتے ایک لاکھ کشمیری مسلمان شہید ہوئے،ہزاروں عورتوں کی عصمت لٹی ،ہزاروں اغوا ہو گئیں، بجوات ،حاجی پورہ اور پکا گڑھا کیمپ کے ہر گھر میں پاکستان کے ساتھ محبت کی قیمت جانوں سے چکانے والے رہتے ہیں۔
مزید پڑھیں: اوتھل میں مسافر کوچ اور ٹرک میں خوفناک تصادم،6 افراد جاں بحق
