اسلام آباد(اے بی این نیوز)اسیر کشمیری حریت رہنما یاسین ملک اورمشعال ملک کی بیٹی رضیہ سلطانہ نے بھارتی جارحیت کے باعث کشمیر میں شہیدہونے والی دو مساجددوبارہ تعمیر کرنے کا اعلان کر دیا۔
یاسین ملک کی بیٹی رضیہ سلطانہ نے کہا کہ رضیہ سلطان فاؤنڈیشن شہید مساجد کو دوبارہ تعمیر کرے گی، ہم کشمیری کسی سے نہیں ڈرتے۔ رضیہ سلطانہ نے کہا کہ نریندرا مودی جو گجرات اور مسلمانوں کے قاتل کے طور پر مشہور ہے،اس نے مساجد پر حملہ کیا، کوٹلی اور مظفرآباد میں دو شہید مساجد کو ہم تعمیر کریں گے۔
واضح رہے کہ ایک روز قبل بھارت نے پاکستان کے 6 مختلف مقامات پر میزائل حملے کیے تھے جس میں زیادہ تر مساجد کو نشانہ بنایا گیا۔
مزید پڑھیں: بھارت کی طرف سے بھیجے گئے 25 اسرائیلی ساختہ ڈرونز مارگرائے،پاک فوج
