ترکیہ حکومت نے پاکستانیوں کیلئے ای ویزا جاری کرنے کا اعلان کر دیا ۔میڈیا رپورٹس کیمطابق ترکیہ ای ویزا الیکٹرانک سفری اجازت نامہ جو پاکستانی پاسپورٹ رکھنے والے شہریوں کیلئے ڈیزائن کیا گیا ہے جو سیاحت یا کاروباری مقاصد کیلئے ترکیہ کا سفر کرنا چاہتے ہوں۔نئے ای ویزا سسٹم کے تحت درخواست دہندگان قیمتی وقت کی بچت کیلئے آسانی سے درخواست کا عمل آن لائن مکمل کر سکیں گے۔ترکیہ ویب سائٹ یا ایپ پر آن لائن درخواست میں پاکستانیوں کی پوری فیملی آسانی سے ایک ساتھ درخواست دے سکتی ہے۔تاہم، ترکیہ میں طویل مدت، کام یا تعلیم کے حصول بارے قیام کیلئے اسلام آباد میں قائم ترک سفارتخانے کے ذریعے رہائشی اجازت نامہ یا متعلقہ ویزا کیلئے درخواست دینا ضروری ہوگی۔
