غزہ (نیوزڈیسک) اسرائیلی جارحیت کا سلسلہ جاری، اسرائیلی فضائیہ کی جبالیہ کیمپ پر بمباری سے مزید 90 فلسطینی شہید جب کہ سینکڑوں زخمی ہوگئے۔ شہاب خاندان کے گھر کو بھی نشانہ بنایا گیا، اسرائیلی حملے میں 20 افراد شہید اور 100 زخمی ہوگئے جبکہ حملے میں قریبی گھروں کو بھی نقصان پہنچا۔اسرائیلی فورسز نے غزہ کے کمال عدوان اسپتال کا محاصرہ ختم کردیا تاہم عالمی ادارہ صحت کے سربراہ نے شمالی غزہ میں کمال عدوان ہسپتال کی تباہی کی مذمت کرتے ہوئے کہا کہ کمال عدوان ہسپتال کے غیرفعال ہونے سے 8 افراد جاں بحق ہوئے ہیں۔رفح میں زوردار دھماکے میں رہائشی مکانات کو نشانہ بنایا گیا، دھماکے میں 2 افراد شہید اورہ متعدد افراد زخمی ہوگئے، اسرائیلی طیاروں نے خان یونس کے مشرق میں بنی سہیلہ سمیت جنوب مشرقی علاقے میں بھی دو حملے کئے۔ اسرائیلی افواج کی جانب سے نورالشمس کیمپ پر جارحانہ کارروائی ،مزید 5 فلسطینی شہید جبکہ یمبولینسوں کو بھی کیمپ جانے سے روک دیا۔ طبی امداد نہ پہنچنے کے باعث 2 فلسطینی زخموں کی تاب نہ لاتے ہوئے دم توڑ گئے. اسرائیلی افواج نے ایمبولینس کےطبی عملے کے اہلکار کو بھی گرفتار کرلیا۔الجزیرہ کی جانب سے اپنے صحافی کے قتل کے معاملے پرعالمی فوجداری عدالت سے رجوع کرنے کا اعلان کیا گیا ہے۔اسرائیلی جارحیت کے جواب میں فلسطینی مزاحمتی تنظیم حماس کی جانب سے بھی بھرپور جوابی کارروائیاں جاری ہیں، حماس کے حملوں میں اسرائیلی فوج نے اپنے مزید 2 فوجیوں کی ہلاکتوں کا اعتراف کرلیا، غزہ جنگ میں زمینی جنگ شروع کرنے کے بعد ہلاک اسرائیلی فوجیوں کی تعداد 121 ہوگئی۔مصری حکام نے دعویٰ کیا کہ غزہ میں نئی عارضی جنگ بندی کیلئے اسرائیل، قطر اور مصری حکام کے درمیان بات چیت کا آغاز ہو چکا ۔7 اکتوبر کے بعد سے پہلی بار اسرائیلی علاقے کی طرف سے کرم شیلونگ کراسنگ کے راستے امدادی ٹرک غزہ میں داخل ہوئے، غزہ میں 4 روز سے بند مواصلات اور انٹرنیٹ سروسز بھی جزوی بحال ہونا شروع ہو گئیں ہے۔