تامل ناڈو(نیوزڈیسک) ریاست تامل ناڈو میں طوفانی بارش سے سیلابی ریلے ،کئی اضلاع میں نظام زندگی معطل، ٹرینیں اور پروازیں منسوخ کردی ۔طوفانی بارش سے متعدد سکول بند کردیئے ۔ریاست میں 60 سینٹی میٹر، کہیں 26 اور کسی ضلع میں 17.3 سینٹی میٹر بارش ریکارڈ کی گئی۔موسلا دھار بارش کے باعث سکول، کالج، بینک، نجی ادارے اور پبلک سیکٹر کمپنیاں بند رہیں گی۔بھارتی محکمہ موسمیات نےمزید موسلا دھار بارش کی پیشگوئی کردی جبکہ ضلع کومورین کے علاقے میں سمندری گردش صورتحال کو مزید خراب کر رہی ہے۔این ڈی آر ایف کی 50، 50 رکنی ٹیمیں ترونلویلی اور توتی کورن اضلاع میں پہنچ گئیں جب کہ کنیا کماری میںایس ڈی آر ایف کی تین ٹیمیں تعینات کردیں۔متاثرہ اضلاع میں 4 ہزار پولیس اہلکار تعینات ۔میڈیا رپورٹس کے مطابق تمل ناڈو کے ضلع توتی کورن جانے والی پروازوں کو منسوخ کر دیا گیا جب کہ ترونلویلی ضلع سے آنے اور جانے والی 17 ٹرینوں کو جزوی یا مکمل طور پر منسوخ کردیا گیا ہے۔