بمبئی (نیوزڈیسک)دوران پروازبھارتی فضائیہ کا تربیتی طیارہ گر کر تباہ ، دو پائلٹ حادثے کی لپیٹ میں آکر ہلاک ہوگئے۔ ہلاک ہونے والوں میں ایک انسٹرکٹر اور دوسرا کیڈٹ تھا۔ آفیشل ایکس ہینڈل پر بتایا گیا کہ دونوں پائلٹ ہلاک ہوگئے تاہم کسی بھی شہری جان یا املاک کو کوئی نقصان نہیں پہنچا ۔ بھارتی فضائیہ نے حادثے کی وجوہات جاننے کیلئے تحقیقات شروع کردی ۔ وزیر دفاع راج ناتھ سنگھ نے بھی طیارہ حادثے پر ناراضگی کا اظہارکرتے ہوئے فوری انکوائری رپورٹ طلب کرلی۔ انڈین ائر فورس کا کہنا ہے کہ طیارہ حادثے کی وجوہات جاننے کیلئے کورٹ آف انکوائری شروع کی جائے گی۔دونوں پائلٹ تلنگانہ کے حیدرآباد میں ائر فورس اکیڈمی سے معمول کی تربیتی پرواز مکمل کر رہے تھے۔طیارہ حادثے کے مقام کی تصاویر میں پیلاٹس پی سی 7 ایم کے ٹو کو زمین کے ایک خالی حصے میں گرنے کے بعد آگ لگتے ہوئے دیکھا گیا۔ وہاں جمع ہوجانے والے لوگ لاشوں کو باہر نکالنے کی کوشش کر رہے ہیں۔واضح رہے کہ پیلاٹس پی سی -7 ٹربو ٹرینر ایم کے 2 ایک ٹینڈم سیٹ تربیتی طیارہ ہے، جسے سوئٹزرلینڈ میں پیلاٹس ایئرکرافٹ کمپنی نے تیارکیا ہے۔2008 سے اب تک پی سی 7 ٹربو ٹرینر کے ساتھ 5 فضائی حادثے ہو چکے ہیں، جن میں متعدد افراد ہلاک ہوئے ہیں۔بھارتی فضائیہ نے فضائیہ نے پیلاٹس ساختہ 78 تربیتی طیارے خریدے تھے ، لیکن اب اس نے 38 طیاروں کا آرڈر منسوخ کردیا ہے اور ان کی جگہ مقامی طور پر تیار کردہ ایچ اے ایل -ایچ ٹی ٹی 40 ٹرینر طیارے بنائے ہیں۔
A Pilatus PC 7 Mk II aircraft met with an accident today morning during a routine training sortie from AFA, Hyderabad. It is with deep regret that the IAF confirms both pilots onboard the aircraft sustained fatal injuries. No damage to any civil life or property has been…
— Indian Air Force (@IAF_MCC) December 4, 2023
