تل ابیب (نیوزڈیسک)ہفتہ بھر کی عارضی جنگ بندی کے بعد اسرائیل نےکی غزہ پر دوبارہ بمباری جاری ، شام کے دارالحکومت دمشق کے مضافاتی علاقے اور لبنانی سرحد پر بھی حملے ۔شامی علاقے پر اسرائیلی حملوں پر ردعمل دیتے ہوئے روسی حکام کا بھی ردعمل سامنے آگیا ، ان کا کہنا تھا کہ دمشق پر اسرائیلی حملہ شام کی خودمختاری کی خلاف ورزی اورعالمی قانون کی خلاف ورزی ہے۔اسرائیلی افواج کی جانب سے لبنانی سرحد کوبھی نشانہ بنایا گیا جس میں 3 لبنانی شہری شہید ہوگئے، اسرائیلی حملوں کے خلاف جوابی کارروائی کرتے ہوئے حزب اللہ نے بھی ایک گھنٹے میں اسرائیل پر 5 حملے کردیئے۔جنگ بندی کا خاتمہ، غزہ میں اسرائیلی بمباری سے شہیدوں کی تعداد 184 ہوگئی،، اسرائیلی بمباری سے 3 صحافیوں سمیت 184 افراد شہید جبکہ 600 زخمی ہوگئے۔اسرائیلی فوج نے خان یونس اور رفاح سمیت مختلف علاقوں میں 200 سے زائد مقامات پر بمباری کی، رفاح کے راستے فلسطینیوں کی امداد بھی بند کردی۔غزہ پر اسرائیلی حملوں کے جواب میں حماس نے بھی اسرائیلی شہروں پردرجنوں جوابی راکٹ حملے کئے جس کے باعث تل ابیب میں بھی سائرن بج اٹھے۔ادھر اسرائیلی افواج نے حملے کرکے خود اپنے ہی یرغمالی شہریوں کو بھی قتل کردیا، اسرائیل نے حماس کی قید میں موجود 6 یرغمالیوں کی ہلاکت کی تصدیق کردی۔