لندن (مانیٹرنگ ڈیسک)بانی مائیکروسافٹ ، دنیا کی کھرب پتی شخصیت بل گیٹ برسلز کے ’سیوریج سسٹم‘ کی پوشیدہ تاریخ اور گندے پانی کا جائزہ لینے ٹوائلٹ کے عالمی دن پرگٹر میں اترگئے۔ سوشل میڈیا پر وائرل ویڈیو میں بل گیٹس گٹر میں اترتےنظر آرہے ہیں۔ویڈیو کو دیکھ کر ہر کسی کے ذہن میں یہ سوال آ رہا ہے کہ بل گیٹس گٹر میں کیوں اترے۔بل گیٹس نے برسلز کے گٹرکے اندر اتر جانے کے حوالے سے کہا ہکہ ’انھوں نے اس جگہ کی تاریخ کو سب کے سامنے لانے کیلئے ایسا کیا ہے۔‘بل گیٹس نے اس پورے واقعے کی ویڈیو اپنے انسٹا گرام اکاؤنٹ پر شیئر کرتے ہوئے کیپشن میں لکھا کہ وہ ٹوائلٹ کے عالمی دن کے موقع پر برسلز کے سیوریج سسٹم کی تاریخ جاننے آئے ہیں۔گیٹس نے مزید لکھا کہ عالمی صحت میں پانی کے بہترین کردار کے بارے میں جاننے کی کوشش کی۔‘سیوریج کے اندر بل گیٹس نے وہاں موجود سائنسدانوں سے بات کی جس میں انہوں نے پانی کے کنویں کے نظام کے بارے میں بھی معلوم کیا۔وہاں سیوریج اور ٹریٹمنٹ پلانٹس کا 200 میٹر طویل نیٹ ورک ہے جہاں پورے شہر کا فضلہ پراسیس کیا جاتا ہے۔انھوں نے وہاں موجود پلانٹ کے سسٹم بارے بریفنگ لی۔‘ 1800 میں شہر میں سیوریج کا گندا پانی براہ راست ندی میں چھوڑدیا گیا جس کی وجہ سے کئی طرح کی بیماریاں پیدا ہوئیں۔
