تل ابیب (نیوزڈیسک)غزہ میں جنگ 30 ویں دن میں داخل ،اسرائیلی اقتصادی اخبار ’’ کالکالیسٹ‘‘ نےجنگ سے اسرائیل کی تباہ حالی کی رپورٹ شائع کردی ، رپورٹ میں کہا گیا ہے کہ اسرائیلی جنگ میں تل ابیب حکومت کو مذکورہ جنگ 200 بلین شیکل میں پڑ رہی ہے۔ 200 بلین شیکل 51 بلین ڈالر کے قریب ہیں۔51 بلین ڈالر کے کا یہ تخمینہ اسرائیلی جی ڈی پی کے 10 فیصد تک پہنچ جاتا ہے۔ اس تخمینے میں جنگ کا حساب 8 سے 12 ماہ تک جاری رہنے کا لگایا گیا ۔ یہ اندازہ غزہ تک محدود جنگ کا ہے اور اگر لبنان کی حزب اللہ یا ایران یا یمن کے حوثی شریک ہوگئے تو یہ جنگ مزید طول پکڑ سکتی ہے ۔’’ اسرائیلی اخبار نے مزید بتایا کہ آدھی لاگت دفاعی اخراجات میں ہوگی جو تقریباً ایک بلین شیکل یومیہ ہے۔محصولات کے نقصانات کی لاگت مزید 40 اور 60 بلین شیکلز یعنی 10 سے 15 بلین ڈالر کے درمیان ہوگی۔ جبکہ 17 اور 20 بلین شیکل اسرائیل کو کمپنیوں کو معاوضے کی شکل میں ادا کرناہونگے۔ 10 سے 20 بلین شیکل بحالی کے منصوبوں پر خرچ ہونگے۔وزیر خزانہ سموٹریچ کا کہنا تھا کہ اسرائیلی حکومت فلسطینی حملوں سے متاثر ہونیوالوں کیلئے اقتصادی امدادی پیکج تیار کر رہی ہے۔ یہ کووڈ 19 وبا ءکے دوران بنائے گئے پیکیج سے بڑا ہوگا۔