بمبئی (نیوزڈیسک)بھارتی ارب پتی تاجر مکیش امبانی کودھمکی آمیز ایک میل موصول ہوئی جس میں کہا گیا ہے کہ اگر بیس 20 کروڑ روپے ادا نہ کئے تو ہمارے پاس بہترین شوٹرز موجود ہیں اور تم ہمارے نشانے پر ہو ، مکیش امبانی کے سکیورٹی انچارج کی درخواست پر بمبئی پولیس نے نامعلوم ملزم کیخلاف مقدمہ درج کرکے تفتیش شروع کردی، یاد رہے کہ گزشتہ برس بھی ریاست بہار سے تعلق رکھنے والے ایک شخص نے مکیش امبانی کو قتل کی دھمکی دینے پر گرفتار کیا تھا،ملزم نے مکیش امبانی کی فیملی کو ان کے ریلائنس فاؤنڈیشن اسپتال میں دھماکے سے اڑانے کی دھمکی دی تھی۔ مکیش امبانی کی رہائشگاہ کے باہر سے ایک بار سے دھماکا خیز مواد اور ایک دھمکی آمیز خط برآمد ہوا تھا، خط میں لکھا تھا یہ صرف ٹریلر۔۔ حقیقت کیلئے تیار رہو،خیال رہے کہ مکیش امبانی اس وقت ایشیا کے امیر ترین اور دنیا کے 13 ویں امیر ترین شخص ہیں اور اگست 2023 کے اعدادو شمار کے مطابق ان کے اثاثوں کی مالیت 87 اعشاریہ ایک بلین ڈالر ہے۔