انقرہ(نیوزڈیسک) ترک پارلیمنٹ پر گزشتہ روز حملے کے بعد صدر رجب طیب اردوان نے دہشتگرد گروپ پی کے کے کیخلاف سرحد پار کارروائی کیلئے دوبارہ غور شروع کردیا ۔صدر رجب طیب اردوان نے دہشتگرد تنظیم PKK کے حملے کے بعد پارلیمنٹ سے خطاب کرتے ہوئے کہا کہ دہشتگرد گروہ کو خبردار کیا کہ ہم ایک رات اچانک حملہ کرسکتے ہیں۔اردوان نے کہا کہ ترکی کی سرحدوں سے باہر دہشت گردی کے خلاف نئی کارروائیوں کی ضرورت ہے۔ ترکی نے زیادہ تر علیحدگی پسند دہشت گردی کے مسئلے کو اپنی سرحدوں کے اندر ہی حل کیا حالانکہ اس سے کئی دہائیوں تک بھاری انسانی اور معاشی نقصان اٹھانا پڑا اور اب ہم بیرون ملک دہشت گرد گروپ کے وجود کو ختم کرکے خطرے کے اس ذریعے کو ختم کرنا چاہتے ہیں۔واضح رہے کہ اگرچہ ترک حکومت نے کبھی کبھار عراق اور شام میں PKK کے خلاف چھوٹے پیمانے پر آپریشن کیے ہیں لیکن پچھلے کچھ سالوں میں بیرون ملک کوئی جامع زمینی آپریشن نہیں کیا۔
