جنوبی لبنان ( اے بی این نیوز    )رواں ماہ کے شروع میں حزب اللہ نے ہمارے علاقوں میں قبضہ کر کے خیمےلگائے ہیں، لبنان میں حزب اللہ نے کہا ہے کہ اس کے جنگجوؤں نے ایک اسرائیلی ڈرون کو مار گرایا جو سرحد کے قریب اور جنوبی لبنان کے اوپر پرواز کر رہا تھا۔فرانسیسی خبر رساں ادارے کے مطابق لبنان میں حزب اللہ نے ڈرون کی قسم کے بارے میں مزید تفصیلات نہیں بتائیں جس کے بارے میں اس نے دعویٰ کیا تھا کہ اسرائیل کی سرحد کے بالکل شمال میں زیبقین گاؤں کے قریب گرایا گیا تھا تاہم اسرائیل کی جانب سے فوری طور پر کوئی تبصرہ نہیں کیا گیا۔اے ایف پی کے مطابق یہ واقعہ لبنان اسرائیل سرحد پر کئی ہفتوں سے جاری کشیدگی کے بعد پیش آیا ہے، خاص طور پر ایک متنازعہ علاقے میں جسے چیبا فارمز کے نام سے جانا جاتا ہے۔اس ماہ کے شروع میں اسرائیلی فوجیوں نے لبنانی مظاہرین کو منتشر کرنے کے لیے آنسو گیس کے گولے داغے جنہوں نے سرحد کے ساتھ فوجیوں پر پتھراؤ کیا۔ کچھ مظاہرین اور لبنانی فوجیوں کو سانس لینے میں دشواری کا سامنا کرنا پڑا۔یہ احتجاج کفار چوبہ پہاڑیوں کے کنارے پر ہوا، جس کے بارے میں بیروت کا کہنا ہے کہ لبنان کی زمین اسرائیل کے قبضے میں ہے۔ اسرائیلی میڈیا نے اس ماہ کے شروع میں اطلاع دی تھی کہ حزب اللہ نے وہاں دو خیمے ”اسرائیلی علاقے میں“ لگائے ہیں۔ حزب اللہ کی طرف سے کوئی تبصرہ سامنے نہیں آیا۔2006 میں لبنان میں ایک ماہ تک جاری رہنے والی جنگ میں اسرائیل اور حزب اللہ کے درمیان مقابلہ ہوا تھا۔ حزب اللہ ماضی میں اسرائیلی ڈرون گرانے کا دعویٰ کر چکی ہے اور اسرائیل کی فوج نے بھی ماضی میں کہا تھا کہ انہوں نے حزب اللہ کے ڈرون کو مار گرایا ہے۔اسرائیل حزب اللہ کو اپنا سب سے سنگین فوری خطرہ سمجھتا ہے، اندازے کے مطابق اس کے پاس اسرائیل کو نشانہ بنانے والے تقریباً 150,000 راکٹ اور میزائل ہیں۔