جدہ (اے بی این نیوز)سعودی حکومت کا یمن آپریشن میں جاں بحق افراد کے 2 ہزار ورثا کو حج کرانے کا فیصلہ ، ذرائع کے مطابق سعودی فرماں روا خادم الحرمین الشریفین شاہ سلمان نے یمن آپریشن کے شہدا کے 2 ہزارورثا کو حج کرانے کی ہدایت جاری کردی۔ ’’آپریشن میں شہید والے افراد کے ایک ہزار رشتہ داروں کو حج کرایا جائے گا اور اسی طرح یمن میں شہید ہونے والوں کے متعلقین میں سے بھی ایک ہزار افراد کو حج کیلئے منتخب کیا گیا ہے۔یہ دو ہزار افراد بھی شاہی دعوت پر حج پروگرام کے تحت سعودی عرب میں حج کیلئے مدعو کیے گئے ہیں۔
اسلامی امور، دعوت و ارشاد کے وزیر اور حرمین شریفین کے مہمانوں کے پروگرام کے نگران کے جنرل سپروائزر ڈاکٹر عبداللطیف الشیخ نے اس حوالے سے خادم حرمین شریفین شاہ سلمان اور ولی عہد شہزادہ محمد بن سلمان کا کا خصوصی شکریہ ادا کیا۔خادم حرمین شریفین کے مہمانوں کے پروگرام میں اس سال 4 ہزار 951 اسلامی شخصیات، اثرورسوخ والے سرکردہ افراد اور شہداء فلسطین کے اہل خانہ اور رشتہ داروں اور یمن اور شام کے بھائیوں کو مدعو کیا گیا ہے۔ اس سال تک اس پروگرام کے تحت اب تک 62 ہزار 338 افراد کو سعودی عرب کے اخراجات کو حج کرایا جا چکا ہے۔