مدینہ منورہ(نیوزڈیسک)بھارت کا ایک شہری ساڑھے 8 ہزار کلومیٹر طویل سفر پیدل طے کر کے حج کرنے مکہ مکرمہ پہنچ گیا۔عرب ٹی وی کے مطابق بھارتی شہری شہاب الدین نے فریضہ حج کی ادائی کے لیے 8 ہزار 640 کلومیٹر کا پیدل سفر کیا ہے، جس میں وہ کئی موسمی حالات اور ملکوں سے گذرے۔بھارت کی ریاست کیرالہ سے تعلق رکھنے والے ڈاکٹر شہاب الدین نے یہ 8 ہزار 640 کلومیٹر کا پیدل سفر 370 دن میں طے کیا ۔شہاب الدین کا بھارتی ریاست کیرالہ کے ضلع مالاپورم سے شروع ہونے والا یہ سفر پاکستان، ایران، کویت سے ہوتا ہوا سعودی عرب کے شہر مکہ میں جا کر ختم ہوا ہے۔