لندن (اے بی این نیوز)برطانوی حکومت نے شامی وزیر دفاع اور چیف آف آرمی سٹاف کیخلاف نئی پابندیاں عائد کرنے کا اعلان کردیا۔ یہ پابندیاں جنسی تشدد کے نئے الزامات کے تناظر میں لگائی گئی ہیں۔فارن کامن ویلتھ اینڈ ڈیوویلپمنٹ آفس (FCDO) کا کہنا تھا کہ پابندیوں کے تحت شام کے وزیر دفاع علی محمود عباس اور آرمی چیف آف سٹاف عبدالکریم محمود ابراہیم کے اثاثوں کو بھی منجمد کردیا اور انہیں سفر سے روک دیا۔ علی محمود عباس کا شام کی فوج اور مسلح افواج کی قیادت کرنے میں ایک کردار تھا جنہوں نے منظم طریقے سے شہریوں کیخلاف عصمت دری اور جنسی یا صنفی بنیاد پر تشدد بطور ہتھیار استعمال کیا ۔انہوں نے مزید کہا کہ عبد الکریم عصمت دری اور جنسی اور سماجی تشدد کی دیگر اقسام کے منظم استعمال کا سہارا لینے والے فوجی دستوں کو کمانڈ کرکے شامی شہریوں کو دبانے میں ملوث تھا۔مزید برآں برطانیہ نے مشرقی کانگو میں دو باغی رہنماؤں ديزيری ندجوپا اور ولیم یاکو ٹومبا پر بھی اسی طرح کی پابندی عائد کردی ۔ ترجمان کامن ویلتھ کا مزید کہنا تھا کہ دونوں گروپوں نے انفرادی اور اجتماعی عصمت دری کا سہارا لیا اور عالمی انسانی قانون کی خلاف ورزی کی۔