انقرہ (نیوزڈیسک) ترکیہ بھر میں آج صدارتی اور پارلیمانی الیکشن ہونگے ۔ صدر رجب طیب اردوان سمیت تین امیدوار صدارتی میدان میں اتر چکے ہیں ، تینوں امیدواروں میں کانٹے دار مقابلہ متوقع ہے ۔ عالمی میڈیا سی این این کے مطابق صدر رجب طیب اردوان کو سخت مقابلے کا سامنا ہے ، جبک اپوزیشن رہنما کمال قلیچ داراوغلو بھی مقابلے میں ہیں ۔ ملکی تاریخ میں پہلی بار پارلیمان کی 600 نشستوں کیلئے 24 پارٹیاں ، 151 آزاد امیدوار الیکشن میں حصہ لے رہے ہیں۔ ترکی میڈیا کے مطابق صدارتی امیدوار کو کامیابی کیلئے 50 فیصد سے زائد ووٹ حاصل کرنا ہونگے ۔ صدر رجب طیب اردوان کی صوفیہ مسجد آمد نماز کے بعد کامیابی کیلئے دعائیں کی گئیں۔ اگر فیصلہ نہ ہوسکا تو زیادہ ووٹ حاصل کرنیوالے دو امیدواروں کے درمیان 28 مئی کو دوبارہ مقابلہ ہوگا تقریباً ساڑھے چھ کروڑ سے زائد ووٹرز رائے شماری میں حصہ لے رہے ہیں