ریاض(نیوز ڈیسک) پاکستانی عمرہ زائرین کی گاڑی کو حادثہ ،9افراد جاں بحق 4 زخمی ہوئے ۔عمرہ ادا کرنے کے بعد ریاض جاتے ہوئے القصیم کے قریب گاڑی کو خوفناک حادثہ پیش آیا جس میں نو پاکستانی جاں بحق ہو ئے ۔ تفصیلات کے مطابق ٹریفک حادثے میں چار پاکستانی شہری زخمی ہوئے ہیں، حادثے میں جاں بحق ہونے والے افراد کا تعلق اسلام نگر اور ننکانہ صاحب سے تھا اور وہ وزٹ ویزا پر سعودی عرب گئے تھے۔جاں بحق ہونے والوں میں ذوالفقار علی، شہباز علی، امہ عمارہ (اہلیہ شہباز علی)، عماریا بی بی، حرم فاطمہ، محمد داؤد، تحریم فاطمہ اور حریم فاطمہ کے نام شامل ہیں، زخمیوں میں محمد طیب، عبد ادی، محمد شہباز اور عبد الوہاب شامل ہیں۔ واضح رہے کہ جاں بحق ہونیوالوں کا تعلق دو خاندانوں سے تھا ۔