نئی دہلی(نیوزڈیسک)بھارتی یونیورسٹی میں طالبات کے شدید احتجاج کے بعد پروفیسر پر جنسی ہراسگی کا مقدمہ درج کرلیا گیا۔بھارتی میڈیا کے مطابق چنئی کے ایک تعلیمی ادارے کے اسسٹنٹ پروفیسر پر سابق طالبہ نے جنسی ہراسگی کا الزام عائد کیا تھا جس کے بعد شہریوں میں غم وغصے کی لہر دوڑ گئی ، تاہم طالبہ کی شکایت کے باوجود اسسٹنٹ پروفیسر ہری پدمن کیخلاف مقدمہ درج نہیں کیا گیا تھا۔ویمن کمیشن میں 90 طالبات نے پروفیسر کیخلاف کارروائی کیلئے درخواست دائر کی تھی جبکہ جنسی ہراسگی کیخلاف 200 سے زائد طلبہ اور طالبات پچھلے کئی روز سے احتجاج کررہے تھے۔ویمن کمیشن نے طالبات کے پروفیسر پر جنسی ہراساں کرنے کے الزامات کو گمراہ کن مہم قرار دیا تھا۔