بیجنگ (نیوزڈیسک) چین کے دارالحکومت بیجنگ سمیت مختلف صوبوں میں مٹی کے طوفان کا الرٹ جاری کردیا۔ چینی حکام کے مطابق گرد آلود ہواؤں سے بیجنگ اور کئی صوبوں میں حد نگاہ متاثر ہونے کا خدشہ ہے۔ماہرین موسمیات کا کہنا ہے کہ ڈرائیورز محتاط رہیں، کئی علاقوں میں حد نگاہ کم ہو جائے گی، مٹی کا طوفان جنوبی چین کی جانب بڑھنے کے بعد کمزور پڑ جائے گا۔غیرملکی خبر ایجنسی کے مطابق چین کے دارالحکومت بیجنگ میں کئی دنوں سے گرد آلود ہوائیں چل رہی ہیں۔خبر ایجنسی کے مطابق بیجنگ میں گرد آلود ہواؤں کے باعث فضائی آلودگی کی سطح میں خطرناک حد تک اضافہ ہوا ہے۔