جدہ (نیوزڈیسک)سعودی عرب میں رمضان کے دوران معمول سے زیادہ بارش کی پیشگوئی کی گئی ہے۔غیرملکی خبررساں ادارے کے مطابق ملک کے قومی مرکز برائے موسمیات کے ایک تجزیہ کار نے بتایاکہ سعودی عرب کے کئی علاقوں میں رمضان کے دوران بارش زیادہ ہوگی۔عقیل العقیل نے کہا کہ رمضان کے آغاز میں ملک کے شمالی، مشرقی اور وسطی علاقوں میں موسم معتدل رہے گا۔انہوں نے کہا کہ رواں برس رمضان موسم بہار میں آ رہا ہے لہذا ہوا میں نمی کا دباؤ بڑھ جائے گا جبکہ درجہ حرات بھی معمول سے ایک ڈگری سینٹی گریڈ زیادہ ہوگا۔موسمیاتی تجزیہ کار کا کہنا تھا کہ مکہ اور ساحلی علاقوں میں درجہ حرارت رمضان کے آخر میں بڑھے گا۔
