ماسکو(نیوز ڈیسک) روسی صدر ویلادیمیر پیوٹن کی قریبی ساتھی 16 ویں منزل سے گر کر ہلاک ہوگئی۔تفصیلات کے مطابق مرینا یانکینا روسی وزارت دفاع کے مالی معاونت کے شعبے سے وابستہ تھیں۔58 سالہ مرینا ینکینا کی لاش سینٹ پیٹرزبرگ کے علاقے میں رہائشی کمپلیکس کے فرش پر پڑی ملی۔ روس اور یوکرین کے درمیان جنگ کے دوران چند دن کے وقفے سے یہ دوسری اعلیٰ شخصیت کی موت ہے۔اس سے قبل میجر جنرل ولادیمیر ماکاروف نے خودکشی کرلی تھی جنہیں حال ہی میں روسی صدر نے برطرف کردیا تھا۔