جنوبی افریقہ ( اے بی این نیوز )کرکٹ جنوبی افریقہ نے ہوم سیزن 2026-27 کا شیڈول جاری کر دیا ہے جس کے تحت عالمی کرکٹ کی بڑی ٹیمیں جنوبی افریقہ کا دورہ کریں گی۔سیزن کا آغاز آسٹریلیا قومی کرکٹ ٹیم کے خلاف تین ایک روزہ میچوں کی سیریز سے ہوگا جو 24 سے 30 ستمبر تک کھیلی جائے گی۔ اس کے بعد دونوں ٹیموں کے درمیان تین ٹیسٹ میچوں کی اہم سیریز 9 سے 31 اکتوبر تک شیڈول ہے۔
جنوبی افریقہ اس ہوم سیزن میں انگلینڈ قومی کرکٹ ٹیم اور بنگلہ دیش قومی کرکٹ ٹیم کی بھی میزبانی کرے گا۔ بنگلہ دیش کے خلاف سیریز دو ٹیسٹ، تین ون ڈے اور تین ٹی ٹوئنٹی میچوں پر مشتمل ہوگی جس سے شائقین کو تمام فارمیٹس میں مقابلے دیکھنے کا موقع ملے گا۔انگلینڈ کے ساتھ سیریز میں تین ٹیسٹ اور تین ون ڈے میچ شامل ہیں جو سیزن کا اہم حصہ تصور کیے جا رہے ہیں۔
مزید پڑھیں :ٹی 20 ورلڈ کپ، ویسٹ انڈیز نے زمبابوے کوجیت کے لیے 255 رنز کا ہدف دے دیا
