لندن (اے بی این نیوز)برطانیہ میں ایک بھارتی خاتون ٹیکسی ڈرائیور کی ایک ویڈیو سوشل میڈیا پر وائرل ہو رہی ہے جس میں وہ مسافر سے ٹپ لینے کے لیے اسے گاڑی سے باہر نکلنے سے روک رہی ہیں۔
ویڈیو میں ایک بھارتی خاتون کو مسافر سے ٹپ کے معاملے پر بحث کرتے دیکھا جا سکتا ہے۔ مسافر گاڑی کے مقررہ مقام پر پہنچنے کے بعد دروازہ کھولنے کے لیے کہہ رہی تھی لیکن ڈرائیور اس سے مسلسل ٹپ کا مطالبہ کرتی رہیں۔
مسافر جواب دیتی ہے کہ وہ کوئی ٹپ نہیں دے گی۔ اس پر خاتون ڈرائیور کہتی ہیں کہ یہ ملک کا قانون ہے اور مسافر کو گاڑی سے نکلنے سے پہلے ٹپ دینی ہوگی۔ مسافر ڈرائیور سے کہتی ہے کہ اس نے کبھی اس طرح کے معاملے کا سامنا نہیں کیا اور کبھی کسی اوبر ڈرائیور کو ٹپ نہیں دی۔
بھارتی خاتون ڈرائیور پھر کہتی ہیں کہ انہوں نے سروس فراہم کی ہے اور انہیں ٹپ ملنی چاہیے۔ مسافر جواب دیتی ہے کہ گاڑی صاف نہیں تھی اور ڈرائیور نے صفائی کا اچھا خیال نہیں رکھا۔ ویڈیو میں سنٹر کنسول پر سافٹ ڈرنک کے کین پڑے ہیں۔
ڈرائیور پھر کہتی ہیں کہ یہ اہم نہیں کہ ڈرائیور کیب کتنا گندا ہے۔ وہ زور دیتی ہیں کہ پچھلی سیٹ صاف ہے اور مسافر کو صرف اس کی پرواہ کرنی چاہیے۔ خاتون ڈرائیور ٹپ مانگنا جاری رکھتی ہیں لیکن مسافر انکار کر دیتی ہے۔ ڈرائیور نے دروازے لاک کر دیئے تھے اور مسافر کو ٹپ دینے تک باہر نکلنے نہیں دیا۔
ویڈیو میں بھارتی خاتون اپنی آواز بلند کرتی ہیں اور کہتی ہیں کہ مسافر نہیں سمجھ رہی۔ مسافر کہتی ہے کہ اس نے پہلے ہی ادائیگی کر دی ہے اور ٹپ دینا اختیاری ہے۔ خاتون کہتی ہیں کہ برطانیہ میں ٹپ دینا اختیاری نہیں بلکہ لازمی ہے اور ویڈیو اچانک ختم ہو جاتی ہے۔
صارفین نے انڈین خاتون کو آڑے ہاتھوں لیتے ہوئے اس کے خلاف قانونی کارروائی کا مطالبہ کیا۔ ایک صارف نے کہا کہ مجھے نہیں معلوم یہ انگریز خاتون اتنی شائستہ کیوں ہے۔ میں اپنی آواز بلند کر دیتی اور واضح کر دیتی کہ اگر وہ مجھے باہر نہیں نکلنے دے گی تو میں خود نکلوں گی اور پولیس کو کال کروں گی۔کئی صارفین نے کہا کہ یہ خاتون جہاں سے آئی ہے اسے واپس وہیں بھیج دیا جائے۔
مزید پڑھیں۔
