ملائیشیا(اے بی این نیوز)ملائیشیا کے سابق وزیراعظم مہاتیر محمد اپنی رہائش گاہ میں گر گئے، انہیں ہسپتال منتقل کر دیا گیا۔ خبر ایجنسی کے مطابق ملائیشیا کے بزرگ سیاستدان اور سابق وزیر اعظم مہاتیر محمد کو گھر میں گرنے کے بعد ہسپتال میں داخل کر دیا گیا ہے۔
سابق وزیر اعظم مہاتیر محمد کے معاون سوفی یوسف نے کہا کہ طبی رپورٹ کا ابھی انتظار ہے، لیکن ڈاکٹروں کو ان کے ہپ میں فریکچر کا شبہ ہے۔ خبر ایجنسی کے مطابق وہ ملائیشیا دارالحکومت کوالالمپور کے نیشنل ہارٹ انسٹی ٹیوٹ (آئی جے این) میں داخل ہیں، مہاتیر منگل کی صبح تقریباً 7:40 بجے گھر میں گرے۔
99 سالہ مہاتیر محمد کو پہلے بھی دل کی تکلیف رہی ہے اور ان کی سرجریز بھی ہوچکی ہیں جب کہ انہیں آخری مرتبہ جولائی میں ہسپتال داخل ہونا پڑا تھا۔ واضح رہے کہ مہاتیر محمد پہلی مرتبہ 1981 سے 2003 اور پھر 2018 سے 2020 تک ملائیشیا کے وزیراعظم رہے، انہیں 2 دہائیوں سے زیادہ عرصہ ملائیشیا کے وزیراعظم رہنے کا اعزاز حاصل رہا ہے۔
مزید پڑھیں۔
