ڈھاکہ(اے بی این نیوز ) بنگلہ دیش کی سیاست ایک اہم موڑ پر پہنچ گئی ہے جہاں جماعت اسلامی نے آئندہ عام انتخابات کے لیے طلبہ کی قیادت میں بننے والی نیشنل سٹیزن پارٹی کے ساتھ انتخابی اتحاد کا اعلان کر دیا ہے۔ یہ پیش رفت فروری 2026 میں متوقع پارلیمانی انتخابات سے قبل سیاسی منظرنامے میں بڑی تبدیلی قرار دی جا رہی ہے۔
جماعت اسلامی کے امیر ڈاکٹر شفیق الرحمان نے پریس کانفرنس کے دوران بتایا کہ نیشنل سٹیزن پارٹی اور لبرل ڈیموکریٹک پارٹی موجودہ اتحاد میں شامل ہو گئی ہیں جس کے بعد اتحاد میں شامل جماعتوں کی تعداد آٹھ سے بڑھ کر دس ہو گئی ہے۔ نیشنل سٹیزن پارٹی وہ سیاسی جماعت ہے جو جولائی 2024 کے طلبہ احتجاج کے بعد سامنے آئی اور جس کی قیادت نے سابق وزیر اعظم شیخ حسینہ واجد کی حکومت کے خاتمے میں مرکزی کردار ادا کیا۔
مزید پڑھیں :نیو انٹرنیشنل اسلام اباد ایئرپورٹ پر آتشزدگی کا واقعہ، جا نئے تفصیلات
