بھارت(اے بی این نیوز)بھارتی کرکٹرز کا غرور خاک میں مل گیا، انہیں جنوبی افریقی کپتان ٹیمبا باووما سے معافی مانگنا پڑ گئی۔
جنوبی افریقہ کے خلاف ٹیسٹ سیریز میں بھارتی کھلاڑیوں نے ٹیمبا باووما کو بونا کہا تھا، اس پر بھارتی کرکٹرز جسپریت بمرا اور رشبھ پنت نے معافی مانگ لی ہے۔
سوشل میڈیا پر اس واقعہ کے بعد شائقین کا شدید ردعمل سامنے آیا تھا لیکن آئی سی سی نے بھارتی کھلاڑیوں کے خلاف اس واقعہ پر کوئی کارروائی نہیں کی تھی۔
جنوبی افریقی کپتان کا کہنا تھا کہ مجھے اندازہ تھا کہ بھارتی کھلاڑیوں نے اپنی زبان میں میرے بارے میں کچھ کہا تھا، ان کا کہنا تھا کہ بعد میں دو سینئر کھلاڑی میرے پاس آئے اور معافی مانگی۔
جنوبی افریقہ کے کپتان کا کہنا تھا کہ جب انہوں نے مجھ سے معافی مانگی تو مجھے مکمل طور پر علم نہیں تھا کہ اصل معاملہ کیا ہے، اس معاملے پر ٹیم کے میڈیا منیجر سے تصدیق کی۔
مزید پڑھیں۔موٹرسائیکلوں اور گاڑیوں کیلئے نئی نمبر پلیٹ متعارف
