افغانستان(اے بی این نیوز)افغانستان نے اپنی نئی ٹی ٹوئنٹی لیگ کا اعلان کر دیا۔افغانستان نے اپنی نئی ٹی ٹوئنٹی لیگ افغانستان پریمیئر لیگ کا اعلان کر دیا ہے۔
افغانستان کرکٹ بورڈ کا کہنا ہے کہ افغانستان پریمیئر لیگ کے افتتاحی سیزن میں 5 شہروں پر مشتمل فرنچائزز شریک ہوں گی۔ان فرنچائزز میں افغانستان کے قومی کھلاڑیوں کے ساتھ ساتھ بین الاقوامی کھلاڑی اور مقامی کھلاڑیوں کو بھی موقع دیا جائے گا۔
افغانستان پریمیئر لیگ کا پہلا سیزن اکتوبر 2026 میں متحدہ عرب میں کرانے کا منصوبہ ہے جبکہ پلیئر ڈرافٹ یا آکشن جون یا جولائی میں ہونے کا امکان ہے۔افغانستان کرکٹ بورڈ کے چیئرمین میر واعظ اشرف نے دبئی میں لیگ کی افتتاحی تقریب کے موقع پر افغانستان پریمیئر لیگ کو اپنے کرکٹ سفر میں ایک اہم پیشرفت قرار دیا۔
ان کا کہنا تھا کہ لیگ ہمارے کھلاڑیوں کیلئے نئے مواقع پیدا ہوں گے، یہ لیگ افغانستان کرکٹ کو عالمی سطح پر اجاگر کرے گی۔ واضح رہے کہ 2018 کے اوائل میں افغانستان پریمیئر لیگ کے نام سے ٹورنامنٹ شروع کیا تھا لیکن اس کا صرف ایک ہی سیزن ہو سکا تھا۔
2018 کے ایڈیشن میں شاہد آفریدی، کرس گیل، برینڈن میک کولم سمیت کئی عالمی شہرت یافتہ کھلاڑی شریک ہوئے تھے۔
مزید پڑھیں۔عمران خان اور بشریٰ بی بی کی 9 مئی و دیگر مقدمات میں ضمانت میں توسیع
