کیف (اے بی این نیوز) یوکرین کے شہر اودیسہ میں ایک ترک کمپنی کی ملکیت بتائے جانے والے جہاز کو اُس وقت شدید نقصان پہنچا جب فضائی حملے کے دوران یکے بعد دیگرے دھماکے ہوئے اور جہاز میں آگ لگ گئی۔

کلیش رپورٹ کے مطابق مبینہ طور پر بحری جہاز روس کی طرف سے داغے گئے ایک میزائل کا نشانہ بنا۔ یوکرینی میڈیا سپلینے کے مطابق واقعہ 12 دسمبر کی سہ پہر اُس وقت پیش آیا جب 3 بج کر 21 منٹ سے 4 بج کر 22 منٹ تک جاری رہنے والی فضائی حملے کی وارننگ کے دوران کم از کم چار دھماکوں کی آوازیں سنائی دیں۔

پی ٹی آئی مالی بحران کا شکار، اراکین اسمبلی کو تعاون کیلئے خط لکھ دیا گیا
یوکرین ایئر فورس نے اس دوران جنوبی سمت سے بیلسٹک میزائل کے خطرے کی وارننگ جاری کی تھی، جس کے بعد دو تیز رفتار اہداف کے چورنومورسک کی طرف بڑھنے کی اطلاعات بھی ملیں۔

ابتدائی معلومات کے مطابق ایک شخص زخمی ہوا ہے۔ حکام کے مطابق جہاز سے کسی کیمیکل کے اخراج یا ہوا کی آلودگی کے شواہد نہیں ملے۔ یہ بھی بتایا گیا ہے کہ متاثرہ جہاز ایک ترک کمپنی کی ملکیت ہے۔

مزید پڑھیں۔پنجاب حکومت سے مذاکرات کامیاب ،گڈز ٹرانسپورٹرز کا ہڑتال ختم کرنےکا اعلان