سڈنی (اے بی این نیوز)آسٹریلیا نے سنگین جرائم کے احتساب کیلئے افغان حکومت کے خلاف نئی پابندیوں کی تجاویز دی ہیں۔
سامنے آنے والی تجاویز کی ہیومن رائٹس واچ نے بھی حمایت کی ہے، آسٹریلوی حکومت کے مطابق انسانی حقوق کی خلاف ورزیوں پرطالبان پرپابندیوں کے قوانین میں ترامیم زیرغور ہیں۔
قوانین میں ترامیم سے افغانستان کیلئے مخصوص معیار متعارف کرائے جائیں گے اور افغانستان پر سفری پابندیاں بھی عائد کی جا سکیں گی۔
آسٹریلیا میں ہیومن رائٹس واچ کے ڈائریکٹر کا کہنا ہے کہ مجوزہ ترامیم انسانی حقوق کے مجرم طالبان کے احتساب کی جانب اہم قدم ہیں، انہوں نے کہا کہ افغانستان میں خواتین کے بنیادی حقوق پرپابندیاں جرم انسانیت اورصنفی ظلم وستم ہے۔
ڈائریکٹر ہیومن رائٹس واچ کا کہنا تھا کہ خواتین کے خلاف مظالم کو یو این کے انسانی حقوق کے ماہرین صنفی تفریق کہہ چکے ہیں، افغان حکام نے صحافیوں و کارکنان کو حراست اور تشدد کا نشانہ بھی بنایا جو سول آزادی کے خلاف ہے۔
مزید پڑھیں: دبئی ایئر شو میں بھارتی طیارے سے فیول لیک،آن لائن مذاق بن گیا
