مسقط(اے بی این نیوز) عمان میں قومی دن کے موقع پر سرکاری اور نجی دونوں شعبوں کے ملازمین کے لیے 2 روزہ سرکاری تعطیلات کا اعلان کر دیا گیا۔
عمان حکومت کے اعلان کے مطابق، تعطیلات بدھ اور جمعرات، 26 اور 27 نومبر 2025 کو ہوں گی، جبکہ تمام سرکاری و نجی اداروں میں کام اتوار، 30 نومبر سے دوبارہ شروع ہوگا۔ عمان کی تاریخ میں پہلی بار قومی دن منانے کے لئے دو روزہ تعطیلات کا اعلان کیا گیا۔
عمان میں قومی دن ہر سال 20 اور 21 نومبر کو منایا جاتا ہے کیونکہ اس سے پہلے ایسا نہیں تھا یہ تبدیلی سلطان ہیثم بن طارق کے شاہی فرمان کے تحت کی گئی ہے۔ شاہی فرمان کے مطابق سرکاری تعطیلات میں ترمیم کی گئی، جس کے مطابق قومی دن اب ہر سال 20 اور 21 نومبر کو منایا جائے گا، یہ فیصلہ آفیشل گزٹ میں شائع ہونے کے فوراً بعد نافذ العمل ہو گیا۔
اس سے قبل قومی دن 18 نومبر کو منایا جاتا تھا، تاہم اب یہ تبدیلی شہریوں اور رہائشیوں کو زیادہ وقت فراہم کرے گی تاکہ وہ قومی تقریبات میں بھرپور شرکت کر سکیں، عمان کی ثقافت، تاریخ اور قومی یکجہتی کو اجاگر کر سکیں، اور ملک کی ترقیاتی کامیابیوں پر فخر کا اظہار کر سکیں۔
مزید پڑھیں۔ٹیکس سے بچنے کیلئے برطانوی دولت مند یو اے ای منتقل ہونے لگے
