ماسکو(اے بی این نیوز)روس نے جدید ترین اور ایٹمی توانائی سے چلنے والے نئے کروز میزائل کاتجربہ کامیاب ہونے کا اعلان کیا ہے۔ روس کا دعویٰ ہے کہ یہ میزائل جدید ہتھیاروں کے اُس پروگرام کا حصہ ہے جسے کسی بھی دفاعی نظام سے روکنا تقریباً ناممکن ہے۔
روسی صدر ولادیمیر پیوٹن نے اتوار کے روز روسی افواج کے ایک کمانڈ سینٹر کے دورے کے دوران بتایا کہ یہ میزائل روس کے جدید ہتھیاروں کے اُس پروگرام کا حصہ ہے جسے مستقبل کے کسی بھی دفاعی نظام سے روکنا تقریباً ناممکن سمجھا جاتا ہے۔
روسی میڈیا کے مطابق یہ میزائل ایٹمی توانائی سے چلنے والا کروز میزائل ہے، یعنی اسے روایتی ایندھن کی ضرورت نہیں ہوتی۔ اس خصوصیت کے باعث اس کی پرواز کا وقت اور فاصلہ تقریباً لامحدود ہو سکتا ہے۔اس بریفنگ کے دوران صدر پیوٹن فوجی وردی (کیِموفلاج) میں ملبوس تھے۔
Putin reveals nuclear-powered Burevestnik missile 'with NO COUNTERPARTS around the world' that can 'be used against protected sites ANYWHERE' pic.twitter.com/voFNaLJs5U
— RT (@RT_com) October 26, 2025
انہوں نے اعلان کیا کہ ’بورویسٹنک‘ کے تمام اہم تجربات اب مکمل ہو چکے ہیں اور اب اس میزائل کو تعیناتی کے آخری مرحلے کی تیاری شروع کر دینی چاہیے۔
روسی صدر نے کہا کہ ’بورویسٹنک‘ دنیا کا ایک منفرد اور انتہائی طاقتور ہتھیار ہے، جو کسی دوسرے ملک کے پاس موجود نہیں۔ ان کے مطابق “یہ واقعی ایک انوکھا ہتھیار ہے، ایسا جس کی صلاحیتوں کا دنیا میں کوئی مقابلہ نہیں۔
روسی فوج کے سربراہ جنرل ویلری گیراسیموف نے صدر پیوٹن کو بریفنگ دیتے ہوئے بتایا کہ تجربے کے دوران یہ میزائل تقریباً 14 ہزار کلومیٹر (8700 میل) کا فاصلہ طے کرتے ہوئے 15 گھنٹے تک فضا میں رہا۔
مزید پڑھیں: مودی کا جنگی جنون ،پاکستانی سرحد کے قریب بڑی فوجی مشقیں،نوٹم جاری
