نیویارک (اے بی این نیوز)گرپتونت سنگھ نے اعلان کیا ہے کہ دہلی خالصتان کا حصہ بنے گا۔ سکھس فار جسٹس کے سربراہ گرفتون سنگھ پنوں نے کہا ہے کہ دہلی خالصتان کا حصہ بنے گا، سکھوں کو تحریک آزادی کے ساتھ ہونا چاہیے۔

ویڈیو لنک کے ذریعے پریس کانفرنس سے خطاب کرتے ہوئے گرفتونت سنگھ پنوں نے کہا کہ دہلی کے خالصتان بننے کے معاملے پر 17 اگست کو امریکا میں ریفرنڈم کرایا جائے گا، ہمارا واحد عزم ہے کہ دہلی خالصتان بنے گا۔

ان کا کہنا ہے کہ بھارت نے پاکستان پر حملہ کر کے خواتین اور بچوں کو شہید کیا۔ فیلڈ مارشل عاصم منیر کا وائٹ ہاؤس کا مہمان بننا پاکستان کے لیے اعزاز کی بات ہے، کینیڈین وزیراعظم نے تمام ناخوشگوار واقعات کا ذمہ دار بھارت کو ٹھہرایا ہے۔

سکھ رہنما نے کہا کہ ہماچل پردیش، ہریانہ، راجستھان اور یوپی اور دہلی کے کچھ علاقے خالصتان میں شامل ہیں، بھارتی حکومت سکھوں پر مسلسل پابندیاں عائد کر رہی ہے۔

مزید پڑھیں :ڈاکٹر ہاسٹل میں آگ لگ گئی،کئی افراد شدید جھلس گئے