گھانا(اے بی این نیوز) گھانا کے وزرائے دفاع اور ماحولیات بدھ کو ہیلی کاپٹر کے حادثے میں ہلاک ہو گئے، صدارتی دفتر نے تصدیق کی ہے۔
یہ اعلان اس وقت سامنے آیا جب ملک کی مسلح افواج نے اطلاع دی کہ ایک ہیلی کاپٹر جس میں عملے کے تین ارکان اور پانچ مسافر سوار تھے ریڈار سے دور ہو گئے تھے۔
اے ایف پی کی رپورٹ کے مطابق مقامی ٹی وی چینل جوائے نیوز نے جائے حادثہ سے موبائل فوٹیج نشر کی، جس میں جنگل کے ایک گھنے علاقے میں ملبے سے دھواں اٹھتا ہوا دکھایا گیا۔بعد میں اس بات کی تصدیق کی گئی کہ مرنے والوں میں وزیر دفاع ایڈورڈ عمان بوامہ اور وزیر ماحولیات، سائنس اور ٹیکنالوجی ابراہیم مرتضیٰ محمد شامل ہیں۔
ایڈورڈ بوامہ کو اس سال کے شروع میں صدر جان مہاما کے عہدہ سنبھالنے کے بعد وزیر دفاع مقرر کیا گیا تھا، جب کہ ابراہیم مرتضیٰ محمد ماحولیات، سائنس اور ٹیکنالوجی کا قلمدان سنبھالے ہوئے تھے۔حکام نے تصدیق کی ہے کہ ہیلی کاپٹر میں سوار تمام افراد ہلاک ہو گئے ہیں۔
گھانا کے میڈیا نے اطلاع دی ہے کہ ہیلی کاپٹر غیر قانونی کان کنی سے متعلق ایک تقریب کے لیے جا رہا تھا – ایک سنگین ماحولیاتی مسئلہ جس کا مغربی افریقی ملک کو سامنا ہے۔صدر مہاما کے چیف آف اسٹاف، جولیس ڈیبراہ نے ایک بیان میں کہا: “صدر اور حکومت اپنے ساتھیوں اور ڈیوٹی کے دوران اپنی جانیں گنوانے والے فوجیوں کے اہل خانہ سے دلی تعزیت اور ہمدردی کا اظہار کرتے ہیں۔
ایڈورڈ بوامہ ایک ایسے وقت میں گھانا کی وزارت دفاع کی قیادت کر رہے تھے جب شمالی پڑوسی ملک برکینا فاسو میں عسکریت پسندوں کی سرگرمیاں بڑھ رہی تھیں۔
مزید پڑھیں: ڈپریشن میں کمی،چینی نوجوان چوسنیوں کا استعمال کرنے لگے
