کولمبو ( اے بی این نیوز ) سری لنکا کے سابق نیول چیف گرفتار، کیوں گرفتار کیا گیا؟ وجہ بھی سامنے آگئی۔ تفصیلات کے مطابق ایڈمرل نشانتھا الووتانے 2020 سے 2022 تک سری لنکا کے 24ویں نیول چیف کے طور پر خدمات انجام دیں۔سری لنکا کے حکام نے سابق نیول چیف ایڈمرل نشانتھا الووتانے کو 15 سال پرانے اغوا اور گمشدگی کے مقدمے میں گرفتار کر لیا ہے۔

پولیس کے مطابق الووتانے کو 2010 میں ایک 48 سالہ شخص کی گمشدگی کے الزام میں حراست میں لیا گیا تھا جب وہ نیوی کے انٹیلی جنس ڈائریکٹوریٹ کے سربراہ تھے۔

تفتیشی افسر نے غیر ملکی خبر رساں ایجنسی “اے ایف پی” کو بتایا کہ الووتانے کو ان کا بیان ریکارڈ کرنے کے بعد باضابطہ طور پر گرفتار کیا گیا تھا اور عدالت نے ان کا بدھ تک ریمانڈ دے دیا ہے۔

واضح رہے کہ نشانتھا آلوگٹنے 2022 میں ریٹائرمنٹ کے بعد کیوبا میں سری لنکا کے سفیر بھی رہ چکے ہیں۔

مزید پڑھیں  :مینار پاکستان پر جلسے کی اجازت نہ دینا حکومتی خوف کی علامت ہے، شیخ وقاص اکرم