بہار (اے بی این نیوز ) ووٹر لسٹ کے جائزے کے دوران کتے کی رہائش کا سرٹیفکیٹ سامنے آ گیا۔ بھارتی ریاست بہار میں کتے بابو نامی کتے کے لیے رہائشی سرٹیفکیٹ جاری کر دیا گیا۔ ووٹر لسٹوں کے خصوصی جائزے کے دوران حکام کی جانب سے جاری کیا گیا یہ انوکھا سرٹیفکیٹ سامنے آیا۔
یہ سرٹیفکیٹ سوشل میڈیا پر وائرل ہوا جس کے بعد انتظامیہ نے اسے منسوخ کر دیا۔ سرٹیفکیٹ میں کتے کے والد کا نام کاتا بابو اور ماں کا نام کاتیا دیوی درج تھا، جس پر انتظامیہ کے ایک افسر کے دستخط بھی تھے۔
تحقیقات میں انکشاف ہوا کہ اس فراڈ کے لیے دہلی کی ایک خاتون کے شناختی کارڈ اور دیگر نجی دستاویزات کا غلط استعمال کیا گیا، جس پر مقامی عدالت نے نوٹس لیتے ہوئے واقعے کو انتہائی سنگین قرار دیتے ہوئے کہا کہ ملوث افراد کے خلاف ایف آئی آر درج کر کے انہیں معطل کر دیا گیا ہے۔
واضح رہے کہ یہ واقعہ ایک ایسے وقت میں سامنے آیا ہے جب بہار میں اپوزیشن جماعتیں ووٹر لسٹوں میں ردوبدل کو عوام کے حق رائے دہی کے خلاف سازش قرار دے رہی ہیں۔ اس تناظر میں کتے کا جعلی سرٹیفکیٹ انتخابی عمل پر سوالات اٹھا رہا ہے۔
ضلعی انتظامیہ کے مطابق متعلقہ ملازمین اور افسران کے خلاف محکمانہ اور تادیبی کارروائی کی جا رہی ہے۔
Only in Bihar a residence certificate is issued in the name of “Dog babu” with father’s name as “Kutta babu” pic.twitter.com/NRcO8pjXjU
— Marya Shakil (@maryashakil) July 28, 2025
مزید پڑھیں :5 اگست ملک گیر تحریک کی کال ہے، اجتماعی جدوجہد ضروری ہے، سلمان اکرم راجہ
