تل ابیب (اے بی این نیوز)شمالی غزہ میں القسام بریگیڈ کا اسرائیلی فوج پر حملوں کا بھی سلسلہ جاری،اسرائیلی فوج نے تصدیق کرتے ہوئے بتایا کہ غزہ پٹی کے شمالی حصے میں ہونے والی جھڑپوں کے دوران متعدد اسرائیلی فوجی ہلاک ہو گئے جبکہ ایک افسر شدید زخمی ہے۔

اسرائیل فوج کے بیان کے مطابق، یہ فوجی 401 ویں آرمڈ بریگیڈ کے 52 ویں بٹالین سے تعلق رکھتے تھے۔اسرائیلی فوج کے مطابق، فوجی ایک ٹینک میں سوار تھے جسے ممکنہ طور پر اینٹی ٹینک میزائل سے نشانہ بنایا گیا۔ تاہم، دھماکے کی دیگر وجوہات کا بھی جائزہ لیا جا رہا ہے۔

فوج نے ہلاک ہونے والے فوجیوں کی شناخت طاہر کردی ہے۔ان میں اسٹاف سارجنٹ شوہم میناہم (21 سال)، سارجنٹ شلومو یاكير شرم (20 سال) اور سارجنٹ یولی فیکٹر (19 سال) شامل ہیں۔ شدید زخمی ہونے والے افسر کی شناخت ظاہر نہیں کی گئی، اسے فوری طور پر اسپتال میں داخل کرا دیا گیا۔

یہ واقعہ غزہ کے شمالی حصے میں اسرائیلی فورسز اور فلسطینی جماعتوں کے درمیان جاری لڑائی کے دوران پیش آیا۔دوسری جانب، حماس کے عسکری ونگ القسام بریگیڈز نے اسرائیلی فوجیوں پر حملے کی ذمہ داری قبول کی ہے۔ القسام بریگیڈز کے ایک بیان میں کہا گیا کہ خان یونس کے مر تاجہ چوک کے قریب اسرائیلی فوجیوں کے ایک گروپ کو مارٹر فائر کے ذریعے نشانہ بنایا گیا۔

غزہ : بدترین اسرائیلی جارحیت جاری، مزید 47 فلسطینی شہید