واشنگٹن (اے بی این نیوز) جنوبی امریکہ میں لبنانی جماعت حزب اللہ کے مالیاتی نیٹ ورکس کے بارے میں معلومات فراہم کرنے والے کے لیے 10 ملین ڈالر تک کے ایک بھاری انعام کا اعلان کیا ہے۔
امریکی محکمہ خارجہ کے “انصاف کے لیے انعامات” پروگرام کے سرکاری اکاؤنٹ نے پلیٹ فارم “ایکس” پر ایک پوسٹ میں لکھا کہ حزب اللہ لبنان میں اپنے صدر دفتر سے دور علاقوں میں بھی سرگرم ہے اور ان علاقوں میں جنوبی امریکہ بھی شامل ہے۔
جنوبی امریکہ میں حزب اللہ کا مالیاتی نیٹ ورک خاص طور پر ارجنٹائن، برازیل اور پیراگوئے کے درمیان واقع سہ ملکی سرحد کے علاقے میں موجود ہے۔ یہ نیٹ ورک منی لانڈرنگ، منشیات کی سمگلنگ، امریکی ڈالر کی جعلسازی، غیر قانونی ہیروں کی تجارت، بڑے پیمانے پر نقدی، کوئلے، سگریٹ اور تیل کی سمگلنگ کی کارروائیوں سے آمدنی پیدا کرتا ہے۔
انہوں نے مزید کہا کہ اگر آپ کے پاس سہ ملکی سرحدی علاقے میں حزب اللہ کی مالیاتی سرگرمیوں کے بارے میں کوئی معلومات ہے تو ہم سے رابطہ کریں ، ایسا کرنے پر آپ انعام حاصل کرنے اور منتقل ہونے کے اہل ہو سکتے ہیں۔ گزشتہ جمعرات کو امریکہ نے حزب اللہ کے دو سینئر عہدیداروں اور مالیاتی منتقلی میں سہولت کاری کے کردار ادا کرنے والے دو افراد پر نئی پابندیاں عائد کی تھیں۔
حزب الله يمارس أنشطته في مناطق بعيدة عن مقره في لبنان، بما في ذلك في أمريكا الجنوبية.
إذا كانت لديك معلومات حول تهريب حزب الله أو غسيل الأموال أو أي آليات مالية أخرى في منطقة الحدود الثلاثية، يرجى الاتصال بنا. قد تكون مؤهلاً للحصول على مكافأة والانتقال. pic.twitter.com/o865I0M4h1— Rewards for Justice عربي (@Rewards4Justice) May 19, 2025
وزارت خزانہ نے ایک بیان میں کہا کہ نشانہ بنائے گئے افراد لبنان اور ایران میں مقیم ہیں اور انہوں نے بیرونی عطیہ دہندگان سے حزب اللہ گروپ تک رقوم پہنچانے کا کام کیا ہے۔
امریکی وزارت خزانہ نے کہا تھا کہ بیرونی عطیات جماعت کے بجٹ کا ایک بڑا حصہ ہیں۔ امریکہ نے مارچ کے اواخر میں بھی حزب اللہ کو نشانہ بناتے ہوئے پانچ افراد اور تین اداروں پر نئی پابندیاں عائد کی تھیں۔
سیزفائر کا فیصلہ دوطرفہ تھا،امریکی صدر ٹرمپ کا کوئی کردار نہیں، بھارتی سیکرٹری خارجہ کا دعویٰ
