واشنگٹن (اے بی این نیوز)امریکی صحافی نک رابرٹسن نے انکشاف کیا ہے کہ پاکستانی میزائلوں نے بھارت کو جنگ بندی کےلئے ہاتھ پیر مارنے پر مجبور کیا۔
امریکی نشریاتی ادارے سی این این کے انٹرنیشنل ڈپلومیٹک ایڈیٹر نک رابرٹسن نے پاک بھارت جنگ بندی کے حوالے سے ٹی وی اینکر سے گفتگو کرتے ہوئے کہا کہ کہ میں ابھی ایک ایسے ذریعے سے بات کر رہا تھا جو عین اس کمرے میں موجود تھا جہاں جنگ بندی پر پیشرفت ہوئی، امریکی وزیر خارجہ مارکو روبیو نے اس جنگ بندی میں ایک بڑا کردار ادا کیا۔
🚨IMPORTANT: CNN reporter says India was overwhelmed by Pakistan's "Massive Barrages of Missiles and Rockets" which made India to push for a ceasefire in desperation. It’s clear Pakistan won decisively and shocked India, diluting its bullying. @CNN pic.twitter.com/LaGhKZI3kf
— Murtaza Ali Shah (@MurtazaViews) May 10, 2025
نک رابرٹس نے بتایا کہ جب بھارت نے پاکستان کی ایئربیسز پر حملہ کیا تو اس ذریعے کے مطابق، پاکستان نے میزائلوں اور راکٹوں کی زبردست بوچھاڑ سے اس کا جواب دیا، اس ( ذریعے) کا کہنا ہے کہ پاکستان نے بھارتی فوجی تنصیبات، اڈوں، بھارتی ایئربیسز، ہتھیاروں کے ذخیروں اور کشمیر میں لائن آف کنٹرول کے ساتھ ساتھ فوجی اڈوں کو نشانہ بنایا۔
اس ذریعے کے مطابق، پاکستان کے نقطہ نظر سے اس اقدام نے واقعی بھارت کو دفاعی پوزیشن پر لا کھڑا کیا، پاکستان کے مطابق بھارت نے امریکی سیکریٹری مارکو روبیو، سعودیہ، ترکیہ اور دیگر ممالک سے رابطہ کیا تاکہ کوئی مختلف راستہ نکالا جا سکے۔
مزید پڑھیں: سابق ٹیسٹ کرکٹر اسٹورٹ میک گل کو منشیات کیس میں کمیونیٹی سروس کی سزا
