کراچی(اے بی این نیوز)کراچی میں تعینات روسی قونصل جنرل آندرے وکٹرووچ فیڈروف نے کہا فلسطین میں نسل کشی کی وجہ سے روس نے اسرائیل کیساتھ تعلقات ختم کردیئے۔ہمارے اس وقت اسرائیل کیساتھ کوئی سفارتی تعلقات نہیں۔
غزہ میں جوکچھ ہورہاہے اس کو الفاظ میں بیان نہیں کیاجاسکتا۔اقوام متحدہ کے چارٹر کے مطابق بین الا قو ا می امن و سلامتی کو برقرار رکھنا اقوام متحدہ کی سلامتی کونسل کی بنیادی ذمہ داری ہے۔اگرچہ اقوام متحدہ کا ڈھانچہ کسی بھی لحاظ سے مثالی نہیں اور تیزی سے بدلتے عالمی ماحول کی وجہ سے اکثر اس کے بہت سے نمائندوں بشمول روس کی طرف سے اصلاحات پر زور دیا جاتا ہے۔
پاک روس تعلقات ہر روز ایک نئی سطح پر ترقی کر رہے ہیں اور جلد ہی ہمیں بریک تھرو سے حیرانی ہو گی کیونکہ دونوں تاریخوں کے درمیان متعدد معاہدوں پر دستخط ہو چکے ہیں جن کیلئے بات چیت جاری ہے۔ان خیالات کا اظہارانہوں نے ڈین فیکلٹی آف آرٹس اینڈ سو شل سائنسز جامعہ کراچی کے زیر اہتمام چائنیز ٹیچرزمیموریل آڈیٹوریم جامعہ کراچی میں منعقدہ لیکچر بعنوان ”دوسری عالمی جنگ کا خاتمہ اور نئے عالمی نظام کا ظہور“ سے خطاب کر تے ہوئے کیا۔
انہوں نے کہا بدقسمتی سے، آج کل ہم بین الاقوامی قانون کو کسی نہ کسی قسم کے من مانی اور مبہم قوانین سے بدلنے کی زیادہ سے زیادہ کوششیں دیکھ رہے ہیں اور اس تحر یک کو مغربی ممالک نے پروان چڑھایا ہے، جو اپنی زوال پذیری کے باوجود خود کو نام نہاد مہذب سمجھتے ہیں، اگرچہ کسی نے بھی ان سے ان قوانین کو نافذ کرنے کیلئے نہیں کہا اور نہ ہی ان کی نمائندگی کی، لیکن مغرب اب بھی ان پر عمل کرنے کیلئے سب کو دباؤ یا بلیک میل کرنے کی کوشش کر رہا ہے
ندرے وکٹرووچ فیڈروف نے کہا نوآبادیات، غلامی اور ترک جنگوں سے لیکر پہلی اور دوسری عالمی جنگوں تک، یہ سب یورپ کی مختلف طاقتوں کی طرف سے اپنے حریفوں کو دبانے کی کوششیں تھیں،اس کے برعکس روسی صدر ولادیمیر پوٹن نے کئی بار بین الاقوامی قانون کا احترام بحال کرنے پر زور دیا،روسی قونصل جنرل نے کہا ڈالر کی بالادستی جلد ختم ہو جائیگی، روس کچھ ابتدائی منصوبوں پر کام کر رہا ہے،
ہم اپنے وقت کے اہم مسائل کا مقابلہ کرنا چاہتے ہیں جن کا دنیا کو سامنا ہے۔روسی قونصل جنرل نے مغرب کی طرف سے نوآبادیات کی صدیوں سے جاری ناانصافیوں کی عکاسی کی اور کہا مغرب کا فلاحی نظام دیگر وسائل کے عالمی استحصال پر مبنی ہے۔
لاہور : مذہبی جماعت کے رہنما حاجی نواز کی گاڑی پر فائرنگ، 6 افراد زخمی
