وارسا(نیوزڈیسک)یوکرین سے پولینڈ میں داخل ہونے والے مہاجرین کی تعداد ایک کروڑ ملین ہو گئی ۔غیرملکی خبررساں ادارے کے مطابق پیر کو پولینڈ بارڈر فورس کے ٹویٹر پیج سے جاری کئے گئے بیان میں کہاگیاکہ 24 فروری سے جاری روس۔یوکرین جنگ کے آغاز سے لے کر اب تک یوکرین سے ہجرت کی بھاری لہر جاری ہے۔بیان میں کہا گیا ہے کہ صرف کل، یوکرین سے آنے والے، مہاجرین کی تعداد 22 ہزار 700 افراد تھی۔جنگ کے آغاز سے اب تک یوکرین سے پولینڈ آنے والے مہاجرین کی کُل تعدادایک کروڑ ہے۔ جبکہ پولینڈ سے واپس یا دیگر ممالک کو جانے والے مہاجرین کی تعداد 76 لاکھ 60 ہزار ہو گئی ہے۔