ینگون (اے بی این نیوز)تاجکستان اورمیانمار زور دار زلزلے سے لرز اٹھے۔ یورپی زلزلہ پیما مرکز کے مطابق ریکٹر اسکیل پر شدت 5.9 ریکارڈ کی گئی، زلزلے کا مرکزی سطح زمین سے 16 کلومیٹر کی گہرائی پر تھا۔میانمار میں بھی ایک اور 5.6 شدت کا زلزلہ آیا جس کےبعد آفٹر شاکس کا سلسلہ جاری ہے ۔ 28 مارچ کو آنے والے تباہ کن زلزلے کے بعد سے اب تک 468 آفٹر شاکس ریکارڈ کیے جا چکے ہیں ۔
میانمار میں اتوار کے روز ایک اور زلزلہ محسوس کیا گیا، جس کی شدت ریکٹر اسکیل پر 5.6 ریکارڈ کی گئی۔ یورپی-بحیرہ روم زلزلہ مرکز (EMSC) کے مطابق زلزلہ زمین کی سطح سے 35 کلومیٹر گہرائی میں آیا۔
اس سے قبل جمعے کو بھی میانمار میں 4.1 شدت کا زلزلہ آیا تھا، جو محض 10 کلومیٹر کی گہرائی پر تھا، جس کے باعث آفٹر شاکس کا خدشہ ظاہر کیا جا رہا تھا۔ یاد رہے کہ گزشتہ روز وفاقی دارالحکومت اسلام آباد، خیبر پختونخوا اور پنجاب کے مختلف شہروں میں زلزلے کے شدید جھٹکے محسوس کئے گئے تھے۔
مزید پڑھیں: آن لائن مالیاتی فراڈ،شہریوں کے بینک اکائونٹس خالی ہونے لگے
