واشنگٹن(اے بی این نیوز)فلسطین کی حمایت اور اسرائیل پر تنقید کرنیوالے غیر ملکی طلباء پر امریکہ کے ویزے بند کردیءے ، امریکی وزیر خارجہ مارکو روبیو نے غیر ملکی طالبعلموں اور دیگر افراد کے ویزوں کی درخواستوں پر سخت چھان بین کی ہدایات جاری کی ہیں۔
25 مارچ کو بھیجے گئے مراسلے کے مطابق درخواست دینے والوں کے سوشل میڈیا مواد کی جانچ کی جائے گی تاکہ امریکا اور اسرائیل پر تنقید کرنے والوں کو ویزا نہ دیا جا سکے۔
یہ اقدام اس وقت سامنے آیا ہے جب امریکی صدر ڈونلڈ ٹرمپ نے ایسے غیر ملکی شہریوں کو ڈی پورٹ کرنے کا ایگزیکٹو آرڈر جاری کیا تھا جو امریکا یا اسرائیل پر تنقید کرتے ہیں۔
نئے مراسلے میں کہا گیا ہے کہ ان درخواستوں کی اسکروٹنی کی جائے گی جنہوں نے 7 اکتوبر 2023 سے 31 اگست 2024 کے دوران ویزے کی درخواست دی یا جن کی ویزے کی مدت اکتوبر 2023 میں ختم ہوئی ہو۔
یہ فیصلہ اسرائیل اور غزہ کے مابین جاری تنازعہ کے دوران فلسطینیوں کے حق میں پوسٹس کرنے والے غیر ملکی طلباء اور افراد کو متاثر کر سکتا ہے۔
لاہورسے جدہ جانیوالی سیرین ائیر کی پرواز بڑے حادثے سے بال بال بچ گئی
