نیویارک (نیوزڈیسک) نو منتخب امریکی صدر ڈونلڈ ٹرمپ نے اپنے بیان میں کہا کہ شام میں کامیابی کی کنجی ترکی کے پاس رہے گی، جہاں انقرہ کے حمایت یافتہ باغیوں نے اس ماہ کے شروع میں بشار الاسد کی حکومت کا تختہ الٹ دیا تھا۔
تنازعات کے بعد شام میں نیٹو کے اتحادی کے کردار کو کس نظر سے دیکھتے ہیں اس پر اپنے پہلے تبصرے کرتے ہوئے نو منتخب امریکی صدر ٹرمپ نے کہا کہ ترکی بڑی فوجی قوت کے طور پرابھرا ہے یہ جنگ سے تھکا ہوا نہیں ہے۔
امریکی صدرٹرمپ نے فلوریڈا کے پام بیچ میں اپنی رہائش گاہ پر ایک پریس کانفرنس میں کہا کہ ترکی نے بہت ساری جانوں کے ضیاع کے بغیر ایک غیر دوستانہ قبضہ کیا۔ امریکی صدر ڈونلڈ ٹرمپ نے کہا، ابھی، شام کے پاس بہت کچھ ہے،
میرے خیال میں ترکی شام کی کلید اپنے پاس رکھے گا، صدر ٹرمپ کاکہنا تھا کہ ترکی، جو شامی کرد وائی پی جی ملیشیا کے خلاف سرحد پار سے کئی بار دراندازی کے بعد شمالی شام میں زمین کے ایک بڑے حصے پر قابض ہے، خانہ جنگی شروع ہونے کے بعد سے، اسد کو ہٹانے کے لیے حزب اختلاف کے گروپوں کا ایک اہم حمایتی تھا، جسے ایران اور روس کی حمایت حاصل تھی۔ 2011 میں اسد کی معزولی کے بعد سے، واشنگٹن اور انقرہ نے شام میں آئی ایس آئی ایس کے عسکریت پسندوں کے دوبارہ سر اٹھانے سے نمٹنے کے لیے بات چیت کی ہے۔
واشنگٹن نے ایک اندازے کے مطابق مشرقی شام میں 900 فوجیوں کو عسکریت پسندوں کے خلاف ہیج کے طور پر رکھا ہوا ہے۔یہ پوچھے جانے پر کہ وہ ان فوجیوں کے ساتھ کیا کریں گے، ٹرمپ مبہم تھے، انہوں نے ترکی کی فوج کی طاقت کی طرف اشارہ کرتے ہوئے اور ترک صدر طیب اردگان کے ساتھ اپنے تعلقات کو اجاگر کیا۔
ٹرمپ نے کہا، ’’اردگان ایک ایسا شخص ہے جس کے ساتھ میں نے بہت اچھا تعاون کیا … اس نے ایک بہت مضبوط، طاقتور فوج بنائی ہے،‘‘ ٹرمپ نے کہا۔ترکی کے عثمانی ماضی کی طرف اشارہ کرتے ہوئے، جس میں جدید دور کے شام پر کنٹرول شامل تھا، ٹرمپ نے مزید کہا: “وہ ہزاروں سالوں سے اسے چاہتے تھے، اور وہ اسے حاصل کر چکے ہیں، اور جو لوگ اندر گئے وہ ترکی کے کنٹرول میں ہیں، اور یہ ٹھیک ہے۔ ”
پاکستان میں آج بروزمنگل ،17دسمبر 2024 سونے کی قیمت آسمان کو چھونے لگی، 2 لاکھ 83 ہزار سے تجاوز
