واشنگٹن(نیوزڈیسک)امریکا میں انڈوں کی قیمت میں حیرت انگیز اضافے کے بعد ایک درجن انڈوں کی قیمت پونے 6 ڈالر یعنی 1300روپے کے ہو گئے ۔سرکاری اعداد وشمار کے مطابق امریکا میں ایک سال کے دوران کھانے پینے کی اشیا کی قیمتیں چھ اعشاریہ پانچ فیصد تک بڑھ چکی ہیں۔انڈوں کی قیمتیں سب سے زیادہ 60 فیصد تک بڑھیں ۔ انڈوں کی قیمتوں میں اضافے کی بڑی وجہ برڈ فلو بتائی جارہی ہے۔ وائرس پر قابو پانے کے لئے گزشتہ برس میں پانچ کروڑ 80 لاکھ مرغیوں کو تلف کیا گیا۔دوسری جانب پاکستان کے ادارہ شماریات کے مطابق 2022 میں پاکستان میں فارمی انڈوں کی قیمت میں 54 فیصد تک اضافہ ہوا ہے۔